Deri më 27 maj, Sardenja do të jetë skenë e një stërvitjeje të madhe të NATO-s që do të përfshijë rreth 4 mijë ushtarë nga 7 vende të aleancës, në bordin e avionëve dhe luftanijeve. Operacioni Det i Hapur 2022, vjen pa paralajmërim ndërsa banorët dhe turistët e parë në vend përgatiteshin të nisnin sezonin veror. Por deri më 27 maj do të jetë e ndaluar hyrja në 17 zona detare të rezervuara për stërvitjen. Me një urdhër të shtabit të mbrojtjes në fillim të majit, ishte vendosur vendosja nën rrethim e sardenjës. Pavarësisht se bëhet fjalë për një stërvitje të përvitshme, rreziku për të destabilizuar ekuilibrin e brishtë diplomatik mes NATO-s dhe Moskës nuk është i vogël. Mbi të gjitha duke patur parasysh mbajtjen në fshehtësi të stërvitjes dhe periudhës së kryerjes së saj. Stërvitja më e fundit mësohet se është kryer në tetor të vitit të kaluar. Stërvitja do të shtrihet edhe në zona detare që nuk janë përfshirë asnjëherë më parë në aksione ushtarake.