Rashad Akeem Thompson tronditi Anglinë me sulmin brutal ndaj djalit 7 vjecar të së dashurës së tij, të cilin e goditi me cekic duke e lënë të vdekur në vend. Përpara policëve ai tha vetëm se në ato momente I “ishin errur sytë”. Në rrjetet sociale, ndjekësit shpërthyen në komente të forta ndaj 34 vjecarit duke përmendur edhe dënimin me vdekje. Efektivët u tronditën kur shkuan në vendngjarje dhe e gjetën vogëlushin e identifikuar vetëm si Tre'shaun të pajetë në divan, me plagë të rëndë në anën e majtë të kokës. Mediat vendase thonë se fëmija kishte vështirësi me mësimin. E ëma 24 vjecare e djalit, Felicia Brown, u gjet në shtëpinë e një fqinje me plagë thike në fytyrë. Ajo është dërguar në spital në gjendje të rëndë ndërsa një faqe GoFundMe ka grumbulluar deri tani 30 mijë dollarë për Felician dhe vajzën e saj dy vjecare. Të gjitha paratë e mbledhura do të shkojnë për të, për të mbuluar faturat mjekësore, funeralin e vogëlushit dhe nevojat e tjera që mund të ketë, tha Ashley Cook e cila celi faqen në fjalë. Rashad Akeem Thompson përballet me një sërë akuzash që nisin nga vrasja e shkallës së parë.