Edhe pse moti këtë të dielë, nuk ka qenë i qëndrueshëm, plazhet e vendit janë frekuentuar nga shumë vizitorë. Vecanërisht në plazhin e durrësit, vizitorët kanë qenë të shumtë, dhe moti gri nuk ka mundur të ndalë edhe ata më të vegjlit që të shijojnë ujin e detit ndërkohë që të rriturit i shoqëronin nga bregu duke preferuar më shumë qëndrimin në rërë dhe shëtitjet pranë bregut. Java që sapo u mbyll në fakt ka qenë e shoqëruar me temperatura të lartë por në fundjavë, këto të fundit shënuan një rënie të lehtë. Vranësirat dhe reshjet janë kthyer në disa zona duke prishur planet për një fundjavë nën diell. Meteorologët parashikuan një alternim kthjellimesh dhe vranësirash dhe një rënie të lehtë të temperaturave që do të vijojë edhe në ditët në vijim, cka do të bëjë që qershori, muaji i parë i verës, të nisë jo ashtu sic e kishte pritur shumëkush.