Zyrtarët gjermanë të shëndetësisë paralajmëruan se rritja e rasteve me koronavirus me shumë gjasë, ka për të qenë më e vështirë për tu frenuar sesa më parë, e fajtori kryesor për këtë është variant më virulent i koronavirusit, i njohur si B117. Lothar Ëieler, kreu i Institutit Gjerman të sëmundjeve infektive, Robert Koch, dhe ministri i shëndetësisë, Jens Spahn janë të një mendjeje për këtë, dhe bindjen ua përforëcoi akoma më shumë kjo javë e trazuar me një shtim të shpejtë të infektimeve. Sipas dy zyrtarëve, ka shënja të qarta se vala e tretë që po përjeton aktualisht Gjermania, mund të jetë edhe më keq se dy valët e mëparshme. Më herët, kancelarja Angela Merkel i bëri thirrje komunave gjermane për më shumë kreativitet në luftimin e pandemisë duke përmendur qytetet që janë model në luftimin e pandemisë, si Tybingeni apo Rostoku. Merkel kërkoi nga ekonomia gjermane testimin dy herë në javë të punëmarrësve, që nuk punojnë dot nga shtëpia dhe kërcënoi me kthimin në detyrim të testimit për ekonominë, nëse rreth "90% "e firmave nuk e zbatojnë vullnetarisht angazhimin e marrë. "Ofertat më të mira të testimit nuk vlejnë, nëse ato nuk merren në konsideratë", tha Merkel. "Nëse pjesa më e madhe e ekonomisë gjermane nuk i ofron teste punonjëseve e punonjësve, atëherë ne do të marrim masa rregullatore që kalojnë në rregulloren e mbrojtjes në punë", tha Merkel.