Duke sfiduar shtypjen ushtarake të Mianmarit, protestuesit kundër grushtit të shtetit zhvilluan një tubim në Mandalay në orët e para të mëngjesit të së dielës. Duke sfiduar praninw e rwndw ushtarake nwpwr rrugw, punonjësit e sektorit shëndetësor, përfshi mjekët, infermieret, studentët e kësaj fushe dhe farmacistët të veshur me bluza të bardha, u bashkuan nw marshim me protestuesit pro-demokracisë. Ata brohorisnin dhe mbanin parulla ku shkruhej “Mbroni udhëheqësen tonë”, “Mbroni të ardhmen tonë”, duke iu referuar ish-udhëheqëses de fakto Aung San Suu Kyi. Suu Kyi dhe udhëheqës të tjerë të zgjedhur në rrugë demokratike mbeten të ndaluar që nga 1 shkurti. Qyteti Mandaly ka qënë një qendër kryesore e opozitës kundër juntës ushtarake. Protesta të tjera u zhvilluan në shtetin Kachin, në veriun e largët të Mianmarit deri në jug të vendit, ndërsa demonstruesit mbanin në dorë qindra qirinj të ndezuar në orët e errëta të natës. Të shtunën, forcat e sigurisë së Mianmarit dhe policia përdorwn përsëri forcën për të shtypur protestat në mbarë vendin, ndërsa shtohen kritikat botërore ndaj dhunws sw pwrdorur kundwr protestave të shkaktuara nga grushti i shtetit.