Mediat turke shkruajnë se Kryeministri grek Kyriakos Mitsotakis do të takohet me presidentin turk Recep Tayyip Erdogan, në Stamboll, më 13 mars. Sipas raportimeve, dy liderët do të drekojnë së bashku, ndërsa pika kryesore në axhendën e takimit do të jenë diskutimet mbi pushtimin e Ukrainës nga Rusia dhe roli i Erdogan në negociata. Ky i fundit në më shumë se një rast është ofruar të veprojë si ndërmjetës mes Kievit dhe Moskës, dhe një ditë më parë madje, pati një bisedë telefonike me presidentin rus Vladimir Putin, të cilit, sic raportuan mediat, i ka kërkuar fundin e luftimeve.