Trupat amerikanë po qarkullojnë fshehurazi në mesnatë, në rrugët e Kabulit për të shpëtuar ushtarët afganë dhe familjet që i kanë ndihmuar në luftë. Një grup veteranësh amerikanë të luftës dhe komandantët e ekipit të përzgjedhur morën pjesë në një mision sekret duke u përpjekur të largojnë në siguri të plotë aleatët e tyre afganë nga Kabuli, mes kaosit në kryeqytetin afgan dhe frikës nga sulmet e reja. Sipas një raporti në gazetën britanike "Daily Mail", një grup veteranësh amerikanë ndodhet në Kabul në një mision vullnetar, duke transportuar civilë në aeroport. Grupi përfshin pjesëtarë të dalë në pension të "Beretave të Gjelbra" dhe ish-komandantë të forcave të zgjedhura SEAL-s, të cilët duan të ndihmojnë komandot afganë që u qëndruan pranë tyre në luftë. Ata veprojnë në errësirën e natës duke shoqëruar afganët në aeroportin e Kabulit dhe bashkëpunojnë fshehurazi me ushtarët në aeroport, të cilët kundërshtojnë urdhrat që kanë marrë për të parandaluar hyrjen e njerëzve. Misioni vullnetar i veteranëve amerikanë në Afganistan vjen ndërsa qeveria amerikane përpiqet të evakuojë deri në një mijë amerikanë dhe mijëra afganë nga Kabuli, ndërkohë që po skadon afati i evakuimit i vendosur nga talibanët.