Pas deklaratave publike të presidentit Ilir Meta ku ai e akuzonte Frrok Çupin si agjent të Serbisë, ky i fundit i është drejtuar me një kërkesë komisionit hetimor për shkarkimin e presidentit. Çupi i ka bërë të ditur komisionit hetimor që presidenti të paraqesë prova lidhur me akuzat e ngritura ndaj tij si pjesë e agjenturave kundër Serbisë. “Nëse nuk paraqet prova, kërkesa ime të administrohet si kallëzim për shpifje ndaj Presidentit të Republikës. Kreu i shtetit përmes akuzës publike ndaj meje, në çfarëdo rrethane ka kryer aktin e shpërdorimit të detyrës dhe autoritetit të Presidentit. Për këtë arsye kërkesa ime të administrohet si provë se Presidenti i Republikës ka kryer shkelje të rënda të ligit”, thuhet në kërkesën e analistit Çupi drejtuar komisionit hetimor parlamentar për shkarkimin e Metës. Në argumentimin e tij Çupi thekson se në këto kushte dhe pas sulmeve të kreut të shtetit ndihet i pasigurtë për jetën e tij dhe të familjes. “Akuzën e presidentit ndaj meje si agjent i Serbisë, e konsideroj si akt nxitës dhe frymëzues për dhunë që reyikon jetën time dhe të familjes sime. Tashmë nuk jam në gjendje që I vetëm të mbrohem nga njerëzit e Metës, nga nacionalistët e shtyrë prej tij, nga element të tjerë kriminalë ose të dobët mendërisht që frymëzohen lehtë nga fjalët e presidentit për vepra të dhunshme. Kërkoj nga komisioni hetimor që të marrë në dorë fatin e ruajtjes së familjes sime”, thuhet në kërkesën e Çupit.