Më datë 1 shtator do të fillojë mësimi plotësues në të gjitha shkollat e vendit, në mënyrë që nxënësit të kenë mundësi të rifitojnë dijet e humbura nga boshllëqet e vitit të kaluar. Mirëpo, duke qenë se ende jemi në frikën e pandemisë dhe rastet e reja vijojnë të rriten, Instituti i Shëndetit Publik ka dhënë disa udhëzime në lidhje me masat që duhet të zbatojnë nxënësit dhe mësuesit gjatë procesit mësimorë për këtë vit shkollorë. Këto masa, janë marrë për të ulur nivelin e infektueshmërisë ndaj Covid 19. Sipas njoftimit zyrtarë të pubilkuar nga Ministria e Shëndetësisë, mësuesit dhe sanitaret duhet të jenë të vaksinuar, gjë do të bëhet me detyrim. Në të kundërt, ata duhet të paraqesin periodikisht një test që vërteton se nuk janë të infektuar me koronavirus. Po ashtu gjatë procesit mësimorë, mësuesit duhet të respektojnë distancimin social dhe fizik dhe të mbajnë maskën gjatë gjithë kohës pavarësisht nëse janë vaksinuar apo jo. Nxënësve gjithashtu u rekomandohet të mbajnë maskë gjatë mësimit. Bankat e nxënësve duhet të jenë 1.5 metra larg njëra tjetrës. Në njoftim gjithashtu bëhet me dije se nxënëst janë të ndaluar të dalin nga klasa gjatë orëve të mësimit dhe së ushqimi nuk lejohet të konsumohet në klasë. Ndërkohë kujtojmë që zyrtarisht viti shkollorë do të hapet më 27 shtator.