Këshilltari rus në zyrat e kombeve të bashkuara në Gjenevë ka dhënë dorëheqjen, dhe ky është diplomati më i lartë që dezerton që nga fillimi i pushtimit të Ukrainës, në shkurt. “Nuk kam ndjerë asnjëherë më parë kaq shumë turp për vendin tim”, shkruante Boris Bondarev në një deklaratë të cilën ua ndau diplomatëve në Gjenevë. “Kjo luftë e nisur nga Putini nuk është vetëm një krim ndaj popullit ukrainas, por edhe krimi më i rëndë kundër vetë rusëve, shpresa e të cilëve për të jetuar në një shoqëri të lirë dhe të prospertë është shuar”, ka shtuar ai.