Dy të rinjtë, Mikelian Toma, 32 vjeç, dhe David Simoni, 34 vjeç që u arrestuan nga policia e Shkodrës mbrëmjen e së mërkurës dyshohet se ishin nisur për të vendosur lëndë plasëse. Ende nuk dihet shënjestra, ndërsa dyshimet e para të uniformave blu janë se ata mendohet se eksplozivin e kanë hedhur gjatë kohës që uniformat blu u vendosën në ndjekjeje të tyre. Deri më tani, dy të arrestuarit nuk kanë pranuar të flasin para hetuesve. Toma e Simoni u konstatuan rastësisht duke lëvizur me një motor në lagjen Xhabije. Uniformat blu u vendosën në ndjekje të tyre pasi nuk ndaluan gjatë kohës që patrulla u bëri shenjë. Pas disa minutash ndjekje ata u kapën pranë varrezave të dëshmorëve. Nga verifikimi rezultoi se targa e saj ishte e vjedhur dhe me numër shasie të ndryshuar. Ende nuk dihet se kush mund të ketë qenë shënjestra, ndërsa po punohet për sqarimin e plotë të rrethanave të këtij rasti si dhe identifikimin dhe kapjen e persoanve të tjerë të përfshirë në këtë ngjarje.