Një peshkarexhë është mbytur mëngjesin e kësaj të mërkurë në gjirin e Gramës në Karaburun, duke rrezikuar jetën e personve të cilët ndodheshin në mjetin lundures.. Peshkarexha Sirena Blu kishte në bord 4 persona, të cilët kishin lëshuar alrmin SOS rreth orës 7të mëngjesit. Policia kufitare e Dhërmiut, pas marrjes së këtij alarmi, u drejtua menjëherë në vendin e ngjarjes per ti shkaur në ndihmë marinarëve. Shërbimët policore bënë me dije se falë ndihmës së tyre të shpejtë, marinarët mundën të dilnin në breg në gjendje të mirë shëndetëore. Mirëpo mjeti i peshimit u mbyt. Shërbimet e Stacionit të Policisë Kufitare Dhërmi, në bashkëpunim me rojet bregdetare, pas kërkimeve në det kanë bërë të mundur gjetjen e mjetit të peshkimit, në vendin e quajtur “Gjiri i Gramës”. Ndërkohë po merren masa për transportimin e mjetit të tyre lundrues.