Nepali po mbyll sezonin e alpinizmit për vitin 2021, të shënjuar nga një rekord prej 408 lejesh për ngjitje të everestit, pasi sezoni i vitit të kaluar u anulua për shkak të pandemisë. Gjatë dy muajve që kur sezoni i ngjitjes u hap, më shumë se 1 mijë alpinistë dhe guidat e tyre nepaleze kanë qëndruar në qytetin e tendave në kampin bazë në everest. Dhjetëra raste të dyshuara koronavirusi janë regjistruar në kamp dhe të paktën dy kompani anuluan ekspeditat e tyre pasi pjesëtarë të stafit rezultuan pozitivë. Kjo bëri që të rritej frika për një shpërthim të covidit në lartësi të madhe, dhe shtoi presionin mbi qeverinë nepaleze që lejoi ngjitjen në majë. Sidoqoftë, vetë autoritetet në Nepal nuk kanë konfirmuar as edhe një rast të vetëm të koronavirusit në mal, duke mbajtur në mendje rëndësinë e industrisë së turizmit për vendin, pasi pandemia, një vit më parë, mbajti gjithcka të mbyllur, duke sjellë një humbje prej miliona dollarësh.