Këtë të mërkurë janë shënuar edhe 9 humbje jete të tjera nga Covid 19 në vend gjatë 24 orëve të fundit. Viktimat janë një 57 vjecar nga Kavaja, 4 qytetarë nga Tirana të moshave 62 deri në 83 vjeç, një 64 vjecar nga Shkodra, një 68 vjecar nga Përmet, një 72 vjecar nga Elbasani dhe një 78 vjecar nga Fieri. Ministria e Shëndetësisë bëri me dije se po gjatë 24 orëve të fundit janë regjistruar 572 raste të reja, nga 3 mijë e 808 testime të kryera. Tirana vijon të jetë qarku më i infektuar, ku në 24 orë ka shënuar 237 raste. E ndjekur më pas nga Fieri me 45 raste, Durrësi me 23 raste, dhe më pak raste në qarqet e tjera. Po gjatë këtij harku kohorë janë shëruar 825 qytetarë, duke e çuar numrin e të shëruarve në 162 mijë e 322 që nga fillimi i epidemisë. Aktualisht në Spitalet covid po marrin trajtim 179 pacientë, nga të cilët 31 janë në gjendje më të rënduar. Ndëkkohë, 8 mijë e 134 qytetarë janë të in fektuar në të gjithë vendin.