Në një kohë kur maskat mbrojtëse janë bërë të detyrueshme në shumë pjesë të botës, përfshirë edhe vendin tonë, nga e enjtja, kërkesa për to vjen natyrisht në rritje dhe oferta është e larmishme po ashtu. Vec maskave kirurgjikale apo të atyre me karbon, kemi parë tani shtëpi të famshme mode që sjellin modelet e tyre apo prodhues bizhuterish që i ofrojnë ato edhe në diamante. Por a funksionojnë maskat prej cope për të reduktuar mundësinë e infektimit dhe transmetimit të viruseve sic është edhe sars cov 2? Po, por vetëm nëse lahen cdo ditë në lavatricë. Të paktën kështu thotë një studim i universitetit të Sidneit. Sipas studimit, maskat prej cope duhet të lahen cdo ditë dhe në temperatura të larta, në mënyrë që të ofrojnë mbrojtje ndaj infeksioneve. Edhe maskat prej cope, ashtu si ato kirurgjikale, thonë ekspertët, duhet të konsiderohen të kontaminuara pas përdorimit. Ndryshe nga ato kirurgjikale, që nuk përdoren më, ato prej cope ripërdoren. Por, nëse do të tundoheni ti lani me dorë, mos e bëni këtë pasi sipas studimit, rritet në këtë mënyrë rreziku i infektimitr. Pamjet: AFP