Aleatët e NATO-s po stërviten në Grenlandë, territorin autonom danez që Presidenti amerikan Donald Trump ka thënë se dëshiron ta marrë nën kontroll, pa praninë e asnjë force amerikane. Franca, Gjermania, Suedia dhe Norvegjia po marrin pjesë në stërvitjen Arctic Light 2025 së bashku me Danimarkën, me qëllim që të përmirësojnë aftësitë e tyre të reagimit të përbashkët në Grenlandë. Për shkak të rritjes së fokusit në situatën e sigurisë në Arktik, Forcat e Armatosura Daneze po rrisin praninë e tyre ushtarake dhe nivelin e aktivitetit në dhe përreth Grenlandës. Kjo kryhet nën udhëheqjen e Komandës së Përbashkët Arktike dhe në koordinim me Qeverinë e Grenlandës. Si pjesë e kësaj iniciative, Forcat e Armatosura Daneze kanë nisur stërvitjen “Arctic Light 2025” që do të zgjasë deri më 19 shtator. Por, kjo stërvitje është vetëm një nga disa aktivitete ushtarake që zhvillohen në dhe përreth Groenlandës. Në gusht, Forcat e Armatosura Daneze kryen stërvitje me Francën dhe morën pjesë në një operacion detar të udhëhequr nga kanadaja, ku përfshiheshin edhe njësi franceze e gjermane.