Në pak ditë të shkuara, zyrtarët në ishullin mesdhetar të Sardenjës, kanë prerë 41 gjoba, secila me vlerë deri në 3 mijë euro për turistë që janë kapur duke marrë rërë, guricka apo guacka nga plazhet e sardenjës. Nëse do tia kishin hedhur policisë, pushuesit me duar të gjata do të kishin grabitur rreth 100 kg nga plazhet. Marrja e rërës së famshme të bardhë nga plazhet e sardenjës, por edhe e guackave dhe gurëve, është bërë e paligjshme në 2017-ën, në një përpjekje për të ruajtur bukurinë e tyre natyrore. Banorët lokalë janë zemëruar vecanërisht shumë nga vizitorët që në largim duan të marrin me vete një copëz plazh dhe më pas ta reklamojnë atë online. Një faqe në facebook e quajtur Sardenja e grabitur dhe e zhvatur, nxjerr në pah problemin dhe ndiqet nga më shumë se 37 mijë njerëz. Bashkë me policinë dhe ushtrinë, që ruajnë kufirin dhe monitorojnë shitjet e paligjshme online, grupi shpreson ti mbajë të paprekura brigjet e sardenjës. Deri më tani, këtë vit, janë lëshuar gjoba me vlerë mbi 13 mijë euro. Në tre muajt e verës së 2015-ës, deri në 5 tonë rërë u konfiskua në aeroportin Elmas.