Maqedonia e Veriut të shtunën ka regjistruar 200 raste të reja me COVID-19, duke shenuar rritje të infektimeve krahasuar me periudhën e para një jave, kur numri i infektimeve ishte nën 100 brenda 24 orëve. Të dhënat i referohen testimit 1,828 mostrave te marra. Numri më i madh të infektuarve me koronavirusin është regjistruar në Shkup, 65 raste, në Shtip (21) dhe Kumanovë (14), ndersat rasttet e tjera jane ne zona te ndryshme. Ministri i Shëndetësisë, Venko Filipçe ka njoftuar edhe për katër viktima të reja qe janë të moshës mbi 50 vjeç, të cilët vuanin edhe nga sëmundje tjera kronike. Numri i viktimave nga COVID-19 në Maqedoninë e Veriut ka arritur në 523, ku më shumë se gjysma e viktimave janë nga Shkupi. Në spitalet e vendit janë të shtruar 372 persona, prej tyre vetëm në Klinikën Infektive janë 80 persona, disa prej të cilëve në gjendje të rëndë shëndetësore.