7 persona të infektuar me Covid-19 kanë humbur jetën gjatë 24 orëve të fundit në maqedoninë e veriut, ndërsa 6 janë shëruar. Për herë të parë që nga fillimi i pandemisë në këtë vend, të mërkurën u shënua kështu një numër viktimash më i lartë se numri i të shëruarve. Mosha e viktimave të 24 orëve të shkuara, luhatet nga 46 deri në 87 vjec. Tre viktima janë nga shkupi, 2 nga tetova dhe 1 nga shtipi. Një prej pacientëve madje ka ndërruar jetë ndërsa transportohej me ambulancë ndërsa katër të tjerët ishin shtruar në spital dy ose tre ditë më parë. Për sa i takon rasteve të reja, autoritetet raportuan 125 infektime në 24 orët e shkuara, shifër kjo që në krahasim me një ditë më parë, shënon rritje. 71 për qind e rasteve janë regjistruar në kryeqytetin shkup. Ndërsa në shtip, deri më tani, gjithsej 126 punonjës të fabrikave të tekstilit kanë rezultuar pozitivë. Bashkë me shifrat e fundit, në total janë 164 viktimat e regjistruara në maqedoninë e veriut që nga fillimi i pandemisë. Në nivel vendi janë 1536 rastet aktive me koronavirus dhe shifrat tregojnë një kryesim të shkupit me gjithsej 944 raste aktive, i ndjekur nga shtipi, kumanova dhe tetova. E ndërsa bilanci i koronavirusit në maqedoninë e veriut, vazhdon të rritet, që kur vendi filloi zbutjen e masave kufizuese të ndërmarra më herët, aleanca për shqiptarët thotë se e gjithë kjo vjen si pasojë e keqmenaxhimit të krizës nga ana e qeverisë dhe sipas saj, ministri i shëndetësisë, venko filipce si edhe koordinatori i krizës, Bujar Osmani, duhet të japin dorëheqjen.