Presidenti i Serbisë, Aleksandar Vuçic firmosi mandatin e dytë të Ana Brnabic në krye të qeverisë. Vucic tha se ka pasur disa kandidatë për drejtimin e ekzekutivit të ri, por Bërnabic, e cila ka qenë kryeministre e Serbisë nga viti 2017, “ka punuar në interes të qytetarëve, ka qenë besnike ndaj Serbisë dhe ka punuar për përfitimet e vendit”. Për Bërnabiqin “ka një mendim shumë të lartë”, shtoi ai. Vucic I kërkoi asaj që të marrë në konsidertarë hapjen e dy ministrive të reja, për të drejtat e njeriut dhe barazinë gjinore, si dhe për kujdesin ndaj familjes dhe fëmijëve. “Po ashtu e kam lutur që, nëse është e mundur, 50 për qind ose afër 50 për qind e anëtarëve të qeverisë të jenë gra”, theksoi kreu I shtetit serb. Zgjedhjet parlamentare të 21 qershorit në Serbi u fituan me shumicë votash nga aleanca e drejtuar prej partisë së tij, SNS, që siguroi 188 vende në parlamentin 250 vendesh. Aprovimi I kabinetit të ri të Bërnabic, e para kryeministre femër ne Serbi e cila ka deklaruar dhe përkatësinë e saj në komunitetin LGBT, ishte në masë të madhe, një formalitet.