Një 72-vjeçar humbi jetën në një aksident rrugor orët e para të mëngjesit të kësaj të diele në aksin Delvinë-Kardhiq. Ngjarja ndodhi në afërsi të rrethrrotullimit të fshatit Bajkaj rreth orës 03:34, ku viktima Luan Xhuvani ishte duke ecur në anë të rrugës bashkë me lopën dhe gomarin e tij. Ai u godit nga një makinë që drejtohej nga 63-vjeçari Ëngjëll Ogiçi. Nga përplasja e fortë ai ndërroi jetë rrugës për në spital. Po ashtu ngordhi dhe lopa e gomari. Ndërsa shoferi u shoqërua drejt komisariatit për veprime të mëtejshme. Sipas informacioneve mësohet se viktima nga fshati Fushë Vërri, kishte blerë lopën në Fshatin Bakaj pak ditë më parë, por nuk i kishte pëlqyer dhe ishte nisur për ta kthyer atë mbrapsht. Shkak për aksidentin dyshohet se u bë shpejtësia e lartë por dhe mungesa e ndriçimit në rrugë.