Top News – Lufta shtrenjton biletat e avionëve / Kompanitë paralajmërojnë: Çmimi i naftës do ndikojë

Çmimet e larta të naftës pritet të ndikojnë në shtrenjtimin e biletave për udhëtimet me aeroplanë, thotë shefi i kompanisë Delta, Ed Bastian. Ai sidoqoftë pranon në një intervistë për BBC se ndikimi përfundimtar “do të varet nga çmimet e kerozinës”. Çmimet e karburanteve kanë arritur në nivelin më të lartë në 14 vjetët e fundit, si pasojë e pushtimit rus në Ukrainë. Emirates, Japan Airlines dhe AirAsia janë në mesin e kompanive që kanë thënë se do të rrisin çmimin e biletave. Para pandemisë, 200 milionë konsumatorë kanë udhëtuar me Deltan, duke e bërë kompaninë e dytë më të madhe në botë për nga numri i pasagjerëve.