12 ditë pasi i rrëmbeu brenda territorit të Kosovës, dhe i trasferoi në paraburgim në Kralevë, Serbia liroi të hënën 3 policët shqiptarë. Pas thirrjeve të shumta ndërkombëtare, përfshirë edhe ultimatimatumin e kryeministrit Edi Rama, gjykata në Kralevë ka marrë vendim për lirimin e Rifat Zekës, Beqir Sefit dhe Mustafë Shemit. Ata ishin rrëmbyer nga forcat serbe me 14 qershor pranë vijës kufitare në Leposavic ndërkohë që ishin duke konsumuar drekën., Ata dolën sot sërish para Gjykatës së Kralevës, e cila mori mor vendimi për lirimin e tyre. Tre policët janë vizituar nga familjarët e tyre të premten dhe njërit prej tyre i janë siguruar edhe medikamnetet e nevojshme. Atyre u është caktuar masa e paraburgimit më 16 qershor, por nuk është ditur kohëzgjatja. Ata ishin detyrë në pikë statike në vendin e quajtur Tresave/Bare, thellë brenda në territorin e Republikës së Kosovës, për të parandaluar shfrytëzimin e rrugëve ilegale, të cilat shfrytëzoheshin nga grupet kriminale për kalim ilegal dhe kontrabandë”. Arrestimi i tre policëve ka nxitur reagime të shumta në vend, ku u kërkua lirimi i menjëhershëm dhe pa kushte. Lirimin e tre policëve e kanë kërkuar Bashkimi Evropian dhe Shtetet e Bashkuara të Amerikës.