Një raketë Soyuz u nis nga kozmodromi i Vostochny-t, në lindjen e largët të Rusisë të enjten, me 36 satelitë interneti dhe telekomunikacioni të britanisë së madhe. OneWeb, një kompani me qendër në londër, po punon për të përfunduar ndërtimin e një konstelacioni satelitësh në orbitën e poshtme të tokës, që do të sigurojë rrjet të zgjeruar dhe shërbime të tjera për vendet në botë. Kompania po konkuron në garën për të siguruar internet të shpejtë për zonat e largëta të botës përmes satelitëve, përkrah miliarderit të teknologjisë Elon Musk dhe miliarderit tjetër Jeff Bezos të Amazon. Imazhet e publikuara nga Roscosmos, tregonin raketën soyuz që ngrihej në qiellin blu, mëngjeisn e të enjtes. Roscosmos tha në një deklaratë lancimi shkoi normalisht. “Ne mund të konfirmojmë se gjithcka shkoi mirë. Gjysma e sateliytëve tanë janë lëhsuar tashmë”, tha OneËeb në tëitter. Kompania britanike planifikon që shërbimet e saj komerciale, globale, të internetit, të jenë operacionale deri vitin tjetër përmes rreth 650 satelitëve të lëshuar. Gjashtë satelitët e parë të OneËeb u lancuan nga një anije soyuz nga qendra hapësinore në Kourou të Guajanës franceze në shkurt 2019. Kompania lëshoi edhe 68 satelitë të tjerë në Baikonur, në kazakistan, vitin e kaluar, dhe 36 satelitë në kozmodromin e Vostoknit në dhjetor. Ky kozmodrom është një nga projektet hapësinore më të rëndësishëm të Rusisë, që ka si qëllim të reduktojë peshën e qendrës hapësinore në Baikonur që Moska aktualisht e ka me qera nga Kazakistani. Ndërtimi i saj për vite të tëra është shënjuar nga shumë polemika e madje ka patur edhe akuza për korrupsion, ndërsa projekti ëhstë finalizuar më vonë nga sa ishte planifikuar.