Gjykata Speciale ka miratuar kërkesën e avokatit britanik Ben Emmerson, për tërheqje nga ekipi mbrojtës i ish-kryetarit të Kuvendit të Kosovës, Kadri Veseli. Sipas Gjykatës Speciale kjo nuk do të shkaktojë vonesa në procesin gjyqësor. Në njoftimin zyrtar të lëshuar nga Gjykata më 21 gusht (2024), theksohet se vendimi i u mor nga të dy, Veseli dhe Emmerson, arritën një marrëveshje të përbashkët për tërheqjen, ndërsa vendimi do të hyjë në fuqi pasi të caktohet kryembrojtësi i ri. Pas lajmeve që qarkulluan rreth pagesave për avokatët e angazhuar në mbrojtjen e ish-krerëve të UÇK-së në Dhomat e Specializuara në Hagë, Ministria e Drejtësisë përmes një njoftimi deklaron se deri më sot ka paguar një shumë totale prej 26 milion euro, ndërsa avokati i Kadri Veselit Ben Emmerson, ka përfituar nga Ministria e Drejtësisë një shumë prej 4 milion eurosh.