Senatorët amerikanë janë ngjitur në një avion ushtarak drejt Tajvanit për të dërguar atje një sasi të dhuruar vaksinash. Për pekinin, ky është një provokim i madh. Tajvani më në fund po merr ndihmën për të cilën kishte shumë nevojë nga SHBA, në një kohë kur rastet e koronavirusit atje po rriten. Por Pekini thotë se oferta është një provokim që rrezikon të përshkallëzojë marrëdhëniet e acaruara tashmë mes Uashingtonit dhe Pekinit. 750 mijë doza vaksine u dërguan në tajvan të dielën. Presidenti tajvanez tha se vaksinat kishin ardhur në kohën e duhur për ishullin që ka imunizuar vetëm 3 për qind të popujllatës së tij dhe që të shtunën regjistroi shifrën më të lartë ditore të viktimave nga kovidi, plot 37. Por donacioni ka zemëruar pekinin, që nuk është kënaqur aspak nga refuzimi i Taipeit për vaksinat kineze anti covid. Taipei në anën tjetër ka akuzuar Pekinin se ka bllokuar përpjekjet e tij për të blerë vaksina, në shkallë ndërkombëtare dhe se nuk do ta ndihmojë atë. Por, ajo që e ka tërbuar më shumë pekinin, me gjasë nuk është donacioni i vaksinave, por avioni ushtarak amerikan që u ul në pistë. Delegacioni amerikan mbërriti në tajvan në bordin e një avioni të forcës ajrore C-17 Globemaster, një avion strategjik ky i ushtrisë amerikane. Dhe prania në Tajvan e një avioni ushtarak transportues, në gjendje të transportojë trupa dhe ngarkesa, përfshirë artilieri, tanke dhe helikopterë, ka gjasa të ndezë një reagim të ashpër nga pekini.