Personat që janë vaksinuar plotësisht në shba, mund të udhëtojnë në mënyrë të sigurt dhe lirisht në vend, pa u tetsuar para ose pas udhëtimit. Deklarata është bërë nga qendra amerikane për kontrollin dhe parandalimin e sëmundjeve, e cila ka publikuar udhëzimet e reja gjatë konferencës për shtyp të ekipit të shtëpisë së bardhë për koronavirusin. Drejtoresha Rochelle Valenski, tha se qendra ende nuk rekomandon udhëtime jo të domosdoshme për personat që nuk janë vaksinuar plotësisht. Udhëtarët rekomandohet të vazhdojnë të mbajnë maska, edhe nëse janë plotësisht të vaksinuar, të ruajnë distancën fizike dhe të lajnë duart rregullisht. Mesatarja ditore e rasteve të reja të koronavirusit gjatë shtatë ditëve të fundit ka vazhduar të rritet dhe tani është rreth 62 mijë raste të reja në ditë. Të premten u raportuan 64 mijë raste të reja, cka reflekton një rritje prej 8 për qindësh në normën ditore. Duke qenë se vetëm 20 për qind e popullatës amerikane në moshë të rritur është vaksinuar plotësisht, ekspertët thonë se shba ende ka shumë punë për të bërë për të vënë nën kontroll pandeminë.