Ndërsa kryeministri i Kosovës, Albin Kurti, drejtoi menjëherë gishtin nga Beogradi pas shpërthimit të së premtes mbrëma, që shkaktoi dëme të konsiderueshme në kanalin e ujit Libër Lepenc, presidenti serb, Aleksander Vucic, tentoi të kthente mbrapsht akuzat. "Përveçse nuk kemi asnjë lidhje me këtë, ne si një shtet serioz, nuk jemi marrë me akuza dhe nuk kemi thënë se ai sulm është urdhëruar drejtpërdrejt nga Kurti”, tha Vuçiç në një konferencë për shtyp në Beograd ku edhe njoftoi se serbia po bën një hetim të sajin. Vucic, u duk se akuzoi Kosovën për kryerjen e sulmit, siaps tij, me qëllim që të dëmtohet serbia. “Qëllimi i kësaj është që të ngadalësohet rruga e integrimit evropian të Serbisë, pasi javën e ardhshme pritet vendimi për hapjen e kapitujve, si edhe të shpallet Lista Serbe organizatë terroriste përpara afatit për dorëzimin e listës zgjedhore”, pretendoi presidenti serb.