Kryetari i Lëvizjes Vetëvendosje, Albin Kurti, i ka dërguar një letër, kryetarit të LDK-së, Lumir Abdixhiku, në të cilën shkruhet se janë të interesuar për koalicion qeverisës. Abdixhikut, i cili ka refuzuar dy herë që të takohet me të, Kurti i thotë se “nevojitet marrëveshje politike”. “Si kryetar i LVV-së dhe kryeministër në detyrë i Republikës së Kosovës, jam i interesuar dhe i vullnetshëm për marrëveshje politike me LDK-në. Ne sigurisht që kemi dallime në bindje politike e në politikat qeverisëse, por koalicionet bëhen pikërisht ndërmjet atyre që kanë dallime, duke vendosur të drejtat dhe nevojat e shtetit dhe të qytetarëve si prioritet”, thuhet në letrën e Kurtit. Teksa I ka kujtuar koalicionet e shkuara ndër vite të LDK-së, Kryeministri Kurti I shkruan Abdixhiut se një koalicion i tanishëm është më mirë se një koalicioni vonuar. Kurti I ka kërkuar fillimisht kreut të LDK të takohen fizikisht për të biseduar.