Kryeministri në detyrë i Kosovës Albin Kurti, ka reaguar pas vrasjes së 27-vjeçarit Agon Zejnullahu nga 5 efektivë të Policisë së Kosovës, gjatë arrestimit të tij. Gjatë mbledhjes së qeverisë, Kurti ka kërkuar hetim të thelluar për këtë ngjarje të rëndë. “Lajmi për vdekjen e tij na ka tronditur të gjithëve, shumëçka prej asaj që ka ndodhur në mesnatën e shtatë korrikut tashmë është publike edhe falë incizimeve të dëshmitarëve, por për të kuptuar gjithçka çfarë ka ndodhur duhet hetim profesional nga institucionet për këtë bashkëpunimi ndërmjet Policisë së Kosovës, inspektoratit policor, institutit të mjekësisë ligjore dhe prokurorisë është thelbësor. Pesë zyrtarë policorë tanimë janë në paraburgim. Unë kërkoj hetim të thellë dhe sa më të shpejtë që zbardh të vërtetën e plotë dhe i bën të njohura të gjitha rrethanat ashtu që të vendoset drejtësia dhe të arrihet llogaridhënia”