Kryeministri i Kosovës, Albin Kurti dhe presidenti i Serbisë, Aleksandar Vuçiç, do të zhvillojnë takime të ndara me shefen e re të diplomacisë së Bashkimit Evropian, Kaja Kallas. Takimet e ndara në Bruksel nuk do të zhvillohen në kuadër të dialogut për normalizimin e raporteve mes Kosovës dhe Serbisë, proces që ndërmjetësohet nga Bashkimi Evropian, por sipas zëdhënëses së BEsë për politikë të jashtme, Anita Hipper, për sulmin në Banjskë, ashtu edhe në Zubin Potok, nevoitet bashkëpunim nga të dyja palët. Kurti dhe Vuçiq në Bruksel do të zhvillojnë edhe takime të ndara me presidentin e ri të Këshillit Evropian, Antonio Kosta. Sakaq, Policia e Kosovës ka njoftuar se ka shkuar në nëntë numri i personave të arrestuar, si të dyshuar për sulmin e 29 nëntorit në Zubin Potok. Sipas policisë, në banesat e të dyshuarve për sulmin janë gjetur dëshmi dhe prova materiale, armë dhe pajisje ushtarake të ndryshme.