“Nuk është njësoj si tia bëj një pacienti se sa të ma bëjnë mua”, thotë me nervozizëm Maria Ruiz, një nga 150 punonjësit e shëndetësisë që po marrin vaksinën kubane kundër koronavirusit, e para e krijuar dhe prodhuar në amerikën latine. “Por, për sa kohë që ëhstë në të mirën time dhe në të mirën e shoqërisë, unë do ta bëj”, shton kjo infermiere 48 vjecare, me krenari. Qëllimi i këtij studimi, që nisi të hënën, ëhstë që të tetsohet vaksina në një shkallë të gjerë, edhe para aprovimit, mes mjekëve, infermierëve, teknikëve e madje edhe punonjësve të mirëmbajtjes në qendrat shëndetësore. Në botë, të tjera vaksina si rusja Sputnik V iu administruan grupeve të mëdha të popullatave para përfundimit të testeve klinike. Ndryshe nga studimet klasike, në këtë të fundit, nuk përdoret placeboja, por administrohet direkt vaksina. Punonjësit e shëndetësisë ndërkohë janë përzgjedhur pasi ata janë më të lidhur me pacientët e infektuar dhe ky është fronti i betejës. Kërkimi për një vaksinë nisi në kubë në prill 2020 dhe shumë shpejt ajo u bë një cështje krenarie për vendin, një ishull nën embargon amerikane i detyruar të zhvillojë sistemin e vet të imunizimit që nga vitet 1980. Vendi nuk u përpoq të negocionte blerjen e vaksinave nga laboratorë të mëdhenj apo të përfitojë nga skema covax. Sidoqoftë, ai ka tani katër vaksina në faza të ndryshme të testimit klinik, dy prej të cilave, Soberana 2 ose Sovranja 2 dhe abdala, në fazën finale. Nëse ato do të marrin autorizimin final, do të ishin të parat vaksina antikovid të konceptuara dhe prodhuara në amerikën latine. Këto kandidate janë proteina të rikombinuara, sipas të njëjtës teknikë të përdorur nga amerikania Novavax.