Presidenti i Turqisë dhe ai i Serbisë vendosën pas bisedimeve kokë më kokë në Ankara të ndërmerrnin një mision për ndalimin e shpërbërjes së Bosnjë, një iniciativë që duket se është mirëpritur nga Republika Srpksa. Anëtari serb i Presidencës së Bosnjë e Hercegovinës, Milorad Dodik mbështeti iniciativën e presidentit turk dhe atij serb Recep Tayyip Erdogan dhe Aleksandër Vuçic, për të ndërmjetësuar në një marrëveshje mbi mosmarrëveshjet në Bosnjë midis kroatëve, boshnjakëve dhe serbëve. Pas takimit të djeshëm mes Erdoganit dhe Vuçiqit në Ankara, presidenti turk tha se kishte vendosur t’i bashkonte tre liderët, atë boshnjak, kroat dhe serb me presidentin serb.