Kosova dhe Serbia po zhvillojnë bisedime të fshehta në zvicër. Kështu shkruajnë mediat zvicerane, Gazeta NZZ am Sonntag dhe Sëissinfo. Sipas tyre, është ministria e jashtme e zvicrës ajo që ka organizuar një seri takimesh mes përfaqësuesve nga të dy vendet, në kërkim të një kompromisi. Takimet larg syve të publikut, sipas mediave zvicerane, janë shumë të rëndësishme dhe një mundësi për përfaqësuesit e kosovës dhe serbisë që të shkëmbejnë rregullisht mendime për cështje politike dhe të krijojnë besim mes tyre. Përmbajtja e bisedimeve sidoqoftë nuk është bërë publike, por zvicra, në jo pak raste, shfrytëzon rolin e saj tradicional të neutralitetit për të ndihmuar në zgjidhjen e mosmarrëveshjeve. Nga viti 1999, Zvicra është e angazhuar në misionin e NATO-s në Kosovë, KFOR me 195 ushtarë zviceranë që shërbejnë aktualisht atje. Por, ministria e jashtme zvicerane, beson se diplomacia është mjeti i duhur për të zbutuar situatën, e cila është përshkallëzuar ndjeshëm këto kohë të fundit në veri të kosovës. Një deputet zviceran, Franz Gruter, thotë se situata është pak a shumë e ngjashme me atë që po ndodh mes rusisë dhe ukrainës. Nuk mund të përjashtohet madje mundësia që e njëjta gjë të ndodhë në ballkan – thotë ai, duke hamendësuar se edhe serbia mund të guxojë në Kosovë, me mbështetjen e rusisë. Por, për ish ambasadorin e zvicrës në Kosovë, alarmi është më i moderuar. “Gjatë shërbimit tim si ambasador në Kosovë jam përballur disa herë me provokime të tilla nga ana e Serbisë. Gjithnjë ishte një bllof dhe nuk e kuptoj përse duhet të jetë ndryshe tani”, thotë ai duke shtuar se rreziku i një përshkallëzimi të mëtejshëm, është i madh për serbinë. Nato është në kosovë dhe do të reagonte shpejt, ndërkohë që serbia do të humbiste shpresat dhe perspektivën e anëtarësimit në BE.