Instituti Kombëtar i Shëndetësisë Publike (IKSHPK) i ka bërë thirrje qytetarëve të Kosovës, të respektojnë masat kundër koronavirusit, pas shqetësimeve që ngjalli bilanci ditor I vdekjeve në vend. 22 persona kanë ndërruar jetë në Kosovë prej sëmundjes e 627 të tjerë janë infektuar brenda 24 orësh. Këto shifra, sipas Institutit, janë një sinjale se spitalet mund të mbingarkohen. “Pakujdesia na dërgon shumë shpejt në mbingarkesën e institucioneve shëndetësore dhe shtimin e rasteve fatale. Asnjë vend në botë nuk ka kapacitete të mjaftueshme njerëzore dhe infrastrukturë spitalore të përballojë rritjen e infektimeve për shkak të papërgjegjësisë në mos zbatimin e rekomandimeve që po je e gjithë bota: maska, distanca, higjiena”, thuhet në një deklaratë të tij. po 22 vdekje të reja janë regjistruar edhe në Maqedoninë e Veriut, ku rastet ditore kanë mbërritur në 1.342. thuajse gjysma e të infektuarve të rinj janë në kryeqytetin, Shkup. Një ditë më parë, vendi fqinj shënoi 33 vdekje nga Covid 19. Autoritetet e shëndetësisë atje thonë se numri I infektimeve është stabilizuar disi, por jo edhe ai I jetëve të humbura.