Rezultate të dobëta në tregun e punës, progres i kufizuar në infrastrukturë, kontratat njëburimore, janë disa nga pikat e gjetura në fushën e ekonomisë në Raportin e Progresit për vitin 2024 të hartuar nga Komisioni Evropian për Kosovën. Sipas raportit, numri I të rinjve në Kosovë, që nuk ndjekin shkollimin e lartë ose trajnimet është rritur, dhe krahasuar me rajonin e Ballkanit Perëndimor, numri ka shënuar rritje. “Tregu i punës vazhdon të vuajë nga pjesëmarrja shumë e ulët, papunësia e lartë dhe hendeqet e mëdha gjinore. Në vitin 2023 pjesa e të rinjve (15-24 vjeç) jo në punësim, arsim apo trajnim u rrit në 33.4%, nga 33% në 2022, që është megjithatë më i larti në Rajoni i Ballkanit Perëndimor. Rezultatet e dobëta të tregut të punës kontribuojnë në nivele të vazhdueshme të larta të emigrimit. Rezultatet e anketës së fuqisë punëtore vazhdojnë të publikohen me vonesa të mëdha”, thuhet në raport.