Top News – ‘Kosova ndërton baza speciale!’ Vuçiç i frikësuar: Të plotësohen garancitë që na u dhanë

Presidenti serb Aleksandër Vuçiç ka shtyrë konferencën e tij të fundvitit, sic tha vetë ai, për shkak të krizës në veri të Kosovës. Por nga zyra e tij, ku priti Nikolla Nedeljkovic, serbin e arrestuar në gazimestan dhe të liruar pas gjashtë muajsh në një burg në Prishtinë, Vucic tha se priste që të plotësoheshin garancitë që sipas tij ka marrë nga SHBA dhe BE për të mos ndjekur penalisht serbët e veriut të kosovës, që ngritën barrikadat dhe akuzoi prishtinën se po ndërton baza speciale ushtarake për të kërcënuar popullatën serbe atje. "Për mua para së gjithash është e rëndësishme që të plotësohen gjërat nga garancitë që janë dhënë. Prishtina po ndërton baza speciale që të mund të kërcënojë popullin serb, kërkoj nga ata që të sillen në përputhje me atë që është marrë vesh”, tha Vuçiç. Ai konfirmoi më pas se kishte biseduar në telefon edhe me përfaqësuesit e BE-së, mëngjesin e të premtes, për situatën në kosovë. “Situata është shumë më e vështirë se sa mendojnë, populli serb është i vendosur të mos lejojë terrorin, kam frikë nga papërgjegjshmëria e përfaqësuesve ndërkombëtarë dhe e Prishtinës”, tha Vuçiç. Presidenti serb tha edhe se do të vizitojë manastirin e Hilandarit për krishtlindjet ortodokse dhe se konferencën vjetore për shtyp do ta mbajë më 4 ose 5 janar.