Tensionet në veri të Kosovës kanë zënë vend këto kohë në mediat e huaja, shumë prej të cilave shohin tek to, sinjale lufte. Më të fundit, janë mediat greke që i kanë kushtuar vëmendje asaj që po ndodh mes Prishtinës dhe Beogradit me Protothemën që nënvizon se tensione të tilla mund të cojnë në fillimin e një lufte tjetër në Ballkan. Gazeta greke tërheq vëmendjen tek skadimi i afatit të radhës për targat, që ka bërë që kosova të duket si një fuci baruti. Kriza sipas saj, nisi korrikun e kaluar kur qeveria kurti mori vendimin për riregjistrimin e makinave me targa serbe, aq sa tani, sic shkruan prototema, gjithcka është shndërruar në një thriller diplomatik, deri në atë pikë sa edhe përfaqësuesi i lartë i BE-së për politikën e jashtme, Joseph Borrell, të flasë për një përshkallëzim të mundshëm në rajon. Ndonëse kurti, ka bërë një shtyrje prej 48 orësh, sipas gazetës greke, gjasat për gjetjen e gjuhës së përbashkët janë të pakta. Përvec BE-së edhe SHBA është e alarmuar me zëdhënësin e departamentit të shtetit, Ned Price që thotë se duhen bërë lëshime për të siguruar që të mos rrezikohen dekada të tëra të një paqeje të fituar me vështirësi në një rajon të trazuar. Protothema përmend edhe reagimin e shefit të NATO-s, jens Stoltenberg, i cili shfaqi zhgënjim për mos gjetjen e një zgjidhjeje dhe bëri apel për shmangjen e përshkallëzimit. Por në thelb të gjithckaje, sipas gazetës greke, është status quoja e kosovës. Serbia refuzon ta njohë Kosovën si të pavarur, ashtu si edhe miqtë e saj të fuqishëm, Rusia dhe Kina...