Top News – Kosova dhe Serbia, njohin njëra-tjetrën / Kurti: Me planin evropian, defakto jo dejure

Kryeministri i Kosovës, Albin Kurti tha se me planin evropian, nuk ka njohje dejure të Kosovës nga Serbia, por njohje defakto. Megjithatë, ai tha se plani parashikon arritjen e një marrëveshjeje përfundimtare si parakusht për avancimin evropian të Serbisë. “Ky propozim parasheh normalizim të marrëdhënieve ndërkombëtare në mes Kosovës dhe Serbisë, ku njëra-tjetrën e njohin në formën defakto. Një njohje e tillë duket e qartë në tekstin e marrëveshjes por gjithashtu është premtuar një përmbajtje të tillë nga shtetet e emisarëve që e kanë propozuar marrëveshjen dhe vet Bashkimi Evropian. Marrëveshja i vendos Kosovën dhe Serbinë si dy entitete të barabarta para të drejtës ndërkombëtare, me integritet territorial të pa cenueshëm të të dyjave, marrëdhënie të mira nder fqinjësore, njohje të plotë të pasaportave dhe simboleve shtetërore në nivelin ndërkombëtar....