Për të dytën ditë me radhë, në Kosovë nuk u konfirmua asnjë viktimë nga koronavirusi. Instituti Kombëtar i Shëndetësisë Publike të Kosovës tha se në 24 orët e fundit ka diagnostikuar 46 raste të reja pozitive nga testimi i 580 mostrave. Në 24-orëshin paraprak po ashtu janë shëruar 62 pacientë. Që nga shfaqja e rasteve të para të koronavirusit në kosovë e deri më tani, janë konfirmuar gjithsej 15,620 raste pozitive, 625 viktima dhe 13,554 të shëruar. Raste aktive ndërkohë mbeten edhe 1,441. Në anën tjetër, në maqedoninë e veriut, autoritetet njoftuan për një rënie të numrit të viktimave në 24 orët e fundit, në dy, nga tetë që ishin të martën. Ndërkohë që është rritur ndjeshëm numri i rasteve të reja me 194 të konfirmuara të mërkurën. Që nga fillimi i pandemisë, në maqedoninë e veriut janë konfirmuar 739 viktima dhe 17,977 të infektuar me koronavirus. Prej tyre, raste aktive mbeten 2,279.