Shpërthimi i koronavirusit edhe në kampin bazë në malin Everest ka bërë që dhjetëra alpinistë të evakuohen që andej. Lajmi vjen pasi rasti i parë i virusit u dokumentua në kampin bazë më 15 prill. Situata me sa duket është përkeqësuar me raportet se mbi 30 alpinistë janë detyruar të evakuohen me helikopterë. Alpinisti britanik, Steve Harris, kishte planifikuar një ekspeditë dy mujore, por planet iu ndërprenë në mes pasi ai u diagnostikua me edemë polmonare të lartësive të mëdha, një formë me gjasë edhe fatale e sëmundjes në lartësi të madhe, në kampin bazë më 20 prill dhe u dërgua në fshatin Namche Bazaar. Por, pasi u transportua në spital, rezultoi pozitiv me koronavirus. Ai tregon se edhe para evakuimit të tij, kishte zëra për koronavirus në kamp por asgjë nuk ishte konfirmuar. Distancimi social dhe maskat, nuk respektoheshin shumë atje”, thotë ai. Sipas një alpinisti polak, mbi 30 persona janë evakuuar tashmë nga mali everest drejt Katmandusë por ndërkohë, qeveria nepaleze vazhdon të mohojë se ka patur një shpërthim koronavirusi në everest.