Koreja e veriut ka sulmuar administratën Biden ndërsa ajo përgatitet të zbulojë strategjinë e saj për penianin dhe programin e tij bërthamor. Ministria e jashtme tha se disa komente të fundit nga uashingtoni tregonin se presidenti Joe Biden do të vazhdonte me politikën armiqësore ndaj vendit. Më herët këtë javë, Biden e quajti programin bërthamor të Koresë së veriut një kërcënim serioz ndaj sigurisë globale. Shtëpia e bardhë tha se Biden planifikon të marrë një qëndrim të kalibruar ndaj koresë së veriut. Zëdhënësja Jen Psaki tha të premten se një rishikim i politikës amerikane ka përfunduar tashmë dhe sugjeroi se Biden kishte mësuar nga eksperienca e katër administratave të mëparshme që kishin tentuar dhe dështuar, ta bënin Korenë e veriut që të braktiste programin e saj bërthamor. SHBA do të presë këshilltarët për sigurinë kombëtare të japonisë dhe koresë së jugut për diskutime mbi planin. Por, në deklaratën e lexuar në median shtetërore koreano veriore, të dielën, ministria e jashtme e vendit i konsideroi komentet e presidentit Biden për programin e saj bërthamor, në një fjalim në kogres, këtë javë, të patolerueshme. “Deklaratat e tij reflektojnë qartësisht qëllimet që presidenti biden ka për të vijuar me politikën armiqësore ndaj koresë së veriut, që SHBA ndjek prej më shumë se gjysmë shekulli”, tha ministria e jashtme.