Skanë kaluar akoma 10 vite që kur një picë u ble me 10 mijë bitcoin. E paimgjinueshme të mendosh se vlera e kësaj pice sot është mbi 500 milion dollarë. Një shifër relativisht e çmendur për një picë, prandaj ajo ditë mbahet mend nga thë gjithë përdoruesit e Bitcoin si “Dita e picës”. Gjithçka daton në 22 maj të 2010, kur Laszlo Hanyecz kerkoi të blinte 2 pica. Në këtë pikë të historisë nuk është e rëndësishme pica në vetëvete, por ajo çfarë është përdorur për ta paguar atë. Gjatë transaksionit pica kushtoi 10 000 bitcoin dhe kjo konsiderohet hera e parë që monedha virtuale u përdor për të blerë diçka në botën reale. Tashmë gjërat kanë marr një tjetër drejtim dhe vlera e Bitcoin ka arritur limitet, duke ndryshuar të gjithë botën e financave vetëm me anë të një picë. Bitcoin është një monedhë e kriptuar, që do të thotë se ekziston vetëm në botën digjitale. Parimi i saj bazohet në faktin se një individ mund të kryejë pagesë pa një ndërmjetësues, siç janë bankat. Për të ruajtur ekuilibrat, në qarkullim ka vetëm një numër të limituar të bitcoinëve dhe monedhat e reja krijohen me një ritëm të parashikuar.