Ushtria izraelite tha se ka filluar një valë sulmesh në të gjithë Libanin pas një njoftimi nga Kryeministri Benjamin Netanyahu se vendi i tij do të intensifikojë sulmet ndaj Hezbollahut. Forcat Mbrojtëse të Izraelit thanë se kishin kryer sulme kundër Hezbollahut në Luginën Bekaa në lindje të Libanit dhe në pjesë të tjera të vendit. Hezbollahu tha në anën tjetër se ishte hakmarrë duke kryer 22 sulme me dronë dhe raketa dhe se objektivat e tij përfshinin ushtarë izraelitë, tanke, kazerma dhe ndërtesa. Më herët këtë muaj, Libani dhe Izraeli ranë dakord të zgjasin një armëpushim 45-ditor, megjithëse luftime ka patur në vazhdimësi.