Shtetet e Bashkuara të Amerikës dhe Izraeli po "punojnë në mënyrë aktive" për t'i hequr Jordanisë kujdestarinë e saj historike të kompleksit të Xhamisë Al-Aksa në Jerusalem. Dy vendet po kërkojnë një marrëveshje të re, që do ta transferojë menaxhimin e një prej vendeve më të shenjta për myslimanët nën duart e Izraelit. Zyrtarë amerikanë, jordanezë dhe palestinezë, si dhe burime perëndimore dhe arabe të Gjirit thanë për Middle East Eye se sipas planit, të mbështetur nga dhëndri i Donald Trump, Jared Kushner dhe ambasadori amerikan në Izrael, Mike Huckabee, autoriteti i Vakëfit Islamik që mbështetet nga Jordania do të largohej për t’i lënë vendin një organi të ri të drejtuar nga Qeveria izraelite, që do ta shpallë më pas Xhaminë Al Aksa në një ‘qendër multifetare’. Sipas mediave në Lindjen e Mesme "marrëveshja e re" do t'u jepte hebrenjve "qasje të barabartë" me myslimanët dhe do të lejonte zyrtarisht lutjet hebraike në grupe në mëdha. Dy zyrtarë amerikanë thanë për Middle East Eye se Uashingtoni ka hartuar një dokument se si e parashikonin ata të ardhmen e xhamisë. Zyrtarët thanë se administrata Trump dëshiron që Xhamia Al-Aksa të zhveshet nga identiteti i saj plotësisht mysliman dhe të shndërrohej në një atraksion turistik historik për të tre besimet abrahamike.