Kancelarja gjermane Angela Merkel dhe liderët e 16 landeve të gjermanisë do të tërhiqen nga plani i tyre për masa më të ashpra izolimi për pashkë, raportojnë disa media gjermane duke cituar burime qeveritare. Një video konferencë e papritur, të mërkurën, vjen pas një serie kritikash në gjermani në lidhje me planet më të fundit në përpjekje për të frenuar përhapjen e koronavirusit. Pjesmarrësit në takim i thanë agjencive gjermane, se Merkel i kishte thënë kryeministrave të landeve, se izolimi i ashër gjatë pashkës nuk do të vendoset. Propozimi ishte pritur me kritika, në mënyrë të vecantë nga kishat. Gjatë një konference për shtyp, Merkel tha se izolimi për pashkë ishte menduar me qëllimet më të mira. “Ne duhet të përpiqemi të ngadalësojmë valën e tretë të pandemisë. Pavarësisht kësaj, kjo ishte një gabim – tha Merkel, duke shtuar: Pasi në fund të ditës jam unë ajo që e mbaj përgjegjësinë. Tani është e rëndësishme që unë ta them këtë. Një gabim duhet të quhet gabim dhe mbi të gjitha ai duhet korrigjuar në kohë Merkel i kërkoi ndjesë qytetarëve gjermanë dhe tha se në një analizë më të thelluar, izolimi i planifikuar rrezikonte të bënte më shumë dëme. Pas 12 orësh bisedime të martën, Merkel dhe drejtuesit e landeve ranë dakord të tërhiqnin frenat e emergjencës dhe të ndalej zbutja e kufizimeve në zonat ku shkalla e infektimeve i kapërcente 100 rastet për 100 mijë banorë për tre ditë radhazi. Ata po ahstu njoftuan edhe një izolim më të fortë gjatë fundjavës së pashkës mes 1 dhe 5 prillit, kur i gjithë vendi duhej të mbyllej. Merkel i quajti masat një përpjekje për të penguar valën e tretë të pandemisë, por u prit me kritika menjëherë pas kësaj.