Pavarësisht distancës gjeografike midis Romës dhe Moskës, Italia është sot vendi që do të vuajë pasojat më të mëdha të luftës në Ukrainë. Dy vendet kanë pasur prej kohësh një marrëdhënie relativisht të ngushtë, madje Italia cilësohet shpesh si "mikja më i madh evropiame Rusisë". Italia ka pasur historikisht lidhje më miqësore me Putinin sesa shumë vende të tjera perëndimore, të mbështetura nga marrëdhënie të forta biznesi – kryesisht investime nga korporatat italiane në Rusi. Grupi energjetik Eni ka kontrata afatgjata gazi me Rusinë si dhe marrëveshje me grupin e naftës Rosneft, të cilat kanw mbetur pwr momentin pezull. Në krizën e Ukrainës të viteve 2014-2015, lidhjet e biznesit ishin një faktor kryesor në përpjekjen e Romës për të parandaluar sanksionet e ashpra të BE-së ndaj Rusisë nën qeverinë e Matteo Renzi. Forcave kryesore politike në Itali kanw pasur prej kohësh marrëdhënie të ngushta me Rusinw, përfshirë edhe miqësinë e famshme të ngushtë dhe të gjatë midis Putinit dhe ish-kryeministrit italian Silvio Berlusconi. Por analistët politikë thonë se qëndrimi i Italisë ndaj Rusisë po përafrohet gjithnjë e më shumë me atë të Gjermanisë dhe fuqive të tjera të mëdha të BE-së, që kur ish-kreu i Bankës Qendrore Evropiane Mario Draghi u bë kryeministër në shkurt 2021. Ai kërkoi që Rusia "të tërhiqet pa kushte" nga Ukraina, duke thënë se pushtimi i kombit properëndimor është i pajustifikueshëm.