Edhe në Itali situata po rëndohet akoma më tepër. Gjatë 24 orëve të fundit është rritur si numri I vdekurve nga covid 19 ashtu edhe rastet e reja të prekura nga virusi. Numri i viktimave nga covid 19 gjatë 24 orëve të fundit në Itali është 699, duke shënuar një rritje nga një ditë më parë, ku u regjistruan 653 viktima. Ndërsa numri I infektimeve të reja ka arritur në shifrën rekord, 37.242 që rezultojnë të jenë pozitiv me COVID-19. Numri i personave të cilët gjenden nën përkujdesje intensive nga mjekët është rritur me 36 pacient më shumë, ndërkohë numri total i personave që gjenden nën përkujdesin intensiv ka arritur në 3.748. Që prej fillimit të pandemisë në Itali janë regjistruar 1,345,767 të infektuar me Covid-19, ku ende ka ativ 777,176 persona. Ndërsa numri i pacintëve që kanë ndërruar jetë është 48,569.