Largohet nga detyra kreu i Agjencisë Shtetërore të Kadastrës së Durrësit. Rezart Elmazi që mbante këtë post kishte dhënë dorëheqjen para zgjedhjeve të 25 prillit, po vetëm tani i është pranuar nga drejtori i përgjithshëm i kadastrës Artan Lame. Burime vendore nga ky institucion bëjnë me dije se në krye të kadastrës së Durrësit do të komandohet Viola Hima, e cila vitin e kaluar u komandua në krye të kadastrës së Vlorës, por u tërhoq nga pozicioni vetëm pas pak ditësh, ashtu si shumë drejtues të tjerë në këtë kadastër. Aktualisht Viola Hima mban funksionin e specialistes në kadastrën e Tiranës. Nuk dihet nëse fundi i majit të këtij viti do të jetë më i mbarë se ai i një viti më parë për Himën, kur iu besua drejtimi i Kadastrës së Vlorës.