Anija e stërmadhe e mallrave që bllokoi Kanalin e Suezit në fillim të këtij viti dhe nmgriu në vend tregtinë botërore, ka lundruar sërish në ngushticë, por këtë radhë pa ndonjë problem. Ever Given ngeci në kanalin në egjipt më 23 mars dhe për nxjerrjen e saj nga cekëtirea u desh një operacion shpëtimi gjashtë-ditor që përfundoi me vdekjen e një personi, një anije shpëtimi të mbytur dhe 48 anije që duhej të gjenin rrugë alternative. Qindra anije u bllokuan në të dyja anët e kanalit ndërsa prisnin që ai të zhbllokohej dhe disa anije u detyruan të merrnin rrugën shumë herë më të gjatë rreth kepit jugor të Afrikës. Autoriteti i Kanalit të Suezit ka njoftuar se anija ka kaluar me sukses në kanalin që është edhe një nga trajektoret më të frekuentuara detare për tregtinë globale të mallrave. Ajo shkarkoi 18,300 kontejnerë ngarkesash në Roterdam, Felixstoëe dhe Hamburg dhe tani është duke shkuar në Kinë pasi u bllokua për tre muaj ndërsa pronarët e saj arritën një marrëveshje kompensimi me Egjiptin. Anija gjigande e cila transporton mallra midis Azisë dhe Evropës, u mbajt në njërën anë të kanalit për më shumë se tre muaj pas daljes së saj nga ai, për shkak të mosmarrëveshjes financiare mbi kompensimin.